Asier Ormazabal só renovará se xoga

Asier Ormazábal ten complicada a súa renovación. O lateral dereito do Pontevedra Clube de Fútbol prefere agardar uns meses para manifestarse ao respecto do interese de ampliar o seu contrato que lle presentou a entidade que preside Nino Mirón, debido á situación deportiva que atravesa. A escaseza de partidos e minutos que o persegue nos últimos dous meses fai crecer o escepticismo do futbolista vasco. Polo momento, agardará a comprobar como evolucionan os acontecementos e verificar se cambia o vento e se lle pon a favor. "Estou moi a gusto no Pontevedra", asegura o defensa biscaíño, antes de afirmar que o nivel de vida non é o único para un futbolista. "Hai que valorar outros aspectos, como xogar ou non. O único que temos que facer é esperar e ver que dí i clube", manifesta. De feito, nin os anos nin os cartos son o principal elemento de análise do profesional. O que lle preocupa verdadeiramente é que conten con él con maior regularidade, como facían ao comezo do curso. Iso si, o zagueiro non oculta que lle parece unha satisfacción que a entidade queira quedar con él. "Para mín é un halago o que me queiran renovar. Pero aínda queda bastante. Por agora non o farei". Máis contundente incluso é o seu axente, Luis Villasante. "Mentras siga Alberto Argibay neste equipo non nos plantexaremos a continuidade. Igual se chega mañá e dimite, a cousa cambia".
Ou sexa, o representante supedita a permanencia do xogador á do actual adestrador. "Non entendo nada", continúa Villasante, "o clube vai por un lado e o adestrador por outro, ou non atopa explicación razonable á situación de Asier". E é que custa comprender que se busque a renovación dun home que pasa da titularidade á grada nunha semana. "Levo cinco anos nesta profesión e nunca me atopara cunha situación como esta. E que quede claro que o xogador está encantado coa cidade e co clube. Pero é difícil plantexarse a renovación coa situación deportiva que está vivíndo", finaliza Villasante, notablemente preocupado pola situación do seu cliente. Ademáis, casos como o de Baptiste fanlle crecer a inquedanza ao mozo bilbaíno. O galo renovou no verán e agora é o último home do plantel. Asier Ormazábal remata contrato o vindeiro 30 de Xuño.

Por César Méndez e Xaime Nogueira (Diario de Pontevedra)